أنا بهذه اللحظة

انا بهذه اللحظة قلقان كثير والله يستر وان شاء الله خير

سامحونا

_________________
اروع هندسة في الحياة هي أن تبني جسرا من الأمل فوق بحر من اليأس

اسعد الله اوقاتكم جميعا
هلا جاك الصاير شاعر الاسى
وهلا اب يزن بالفعل الايت سي ال ع قولهم عم يحدثوا السيرفر
واهلا زائر الليل ابو النهفات ال بدك تعمل دفتر حضور وخروج
شو بقى صارت شبكه السراب دائره حكوميه
لا اخي الكريم البيدخل الشبكه اهلا وسهلا يعيونا منحطوا والمابده يدخل كمان اهلا وسهلا بعيونا منحطه
وموضوعك اكيد رح نعمله بس يصير عندي ميزانيه واصرف رواتب للاعضاء ساعتها منعمل دفتر دوام ولازم يوقع العضوحين دخوله المنتدى والمابيحضر منخصم من راتبه
دمت زائر ابو الافكار ياانت
يسعد مساكم جميعا
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

بسم الله العلي القدير
السلام عليكم والرحمة
انا بهاللحظة مبسوط كتير بغض النظر عن السبب المهم اني فرحان ورايق
وكمان بهاللحظة صاحبي كمان مبسوط كمان ليش ما حدا بيعرف
رح احكيلكون السبب الي خلاني مبسوط
اليوم وقت اجيت عالدوام استلموني عشرة بلدي على تنقير بحكم اني معوفون حالون ما حدا بيسترجي يحكي كلمة قدامي لاني دغري باستلم المهم اجيت عالدوام واستلموني ست موظفين وموظفات وهات يا اب يزن ما عاد عرف من وين عم يجي الحكي انتظرت عشر دقائق ما حكيت ولا حرف لحتى هنن ما عاد عرفو شو بدون يحكو وبلشت عليهون وصارو يهربو واحد واحد المهم الستة ما طلعلون معي وصارو يعتذرو انو منشان الله خلص اسفين بس اسكوت وانا انبحتت متل الشوئسما ( احم احم ) المهم ما طلعلون معي
انا مبسوط لانو رجعتلي ثقتي بنفسي شوي لاني صرلي زمان ما فتت عالشات وما استلمت كل خمسة ستة سوا والله اشتقت لهديك الأيام وانا هلئ مليت من حالي وانا عم اكتب امانة ما حدا يسبني ويقول عني علاك وكتير حكي انا بهاللحظة ارجوكم ما تحكو عليي بغيابي بس تشوفوني احكو الي بدكون ياه وانا بهاللحظة تعبت وانا اكتب وانا بهاللحظة حاسس حالي لبخة ونازل سلخ كتابة انا بهاللحظة بديمين يمسكني لاني ما عم اتهدى بالكتابة انا بهاللحظة مدري شبني انا بهاللحظة ما عم وقف عن الكتابة انا مو بهي اللحظة باللحظة الي بعدا بكون وقفت عن الكتابة وطلعت من هون

اسعد الله اوقاتكم جميعا
ويجعلك دوم مبسوط ومتهني اب يزن
ايه هيك بدي ياك كما عرفتك لاتحطها واطيه لحدا مو للموظفين بس لوزير النقل لاتحطا واطيه اصحك حدا يستوطي حيطك ايوه احنا اهل عين فيت وغيرنا لالا
اما انا مدري مبسوطه مدري مو مبسوطه مبسوطه لانك مبسوط ومو مبسوطه لاني من اسبوع ماجيت المنتدى وعلي كسر بالردود على الاعضاء الله يقدرني واكون عند حسن ثقتكم بي
يلا سلامو رياض فرحت بوجودك معنا
تحياتي لك ولكل الاخوه العضاء
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

انا بهاللحظة مبسوط عالريق من على بكرة الصبح فايق مبسوط ورايق وكلامك زادني بسط وفرح سرابو خاصة لانك خاطبتيني باسمي الحقيقي وهالشي أفرحني وانشالله تكوني على طول مبسوطة ومطرنبة سرابو انتي مو عند حسن ظننا ..... انتي حسن ظننا و الي بيفرحنا بيجي جنبك ما يحرمنا منك
رايح اشرب ابريق القهوة الصباحي بالسطل ( قهوة سودا من غير هيل ومن بن الأمراء Laughing

) وخليها تشتي بطاطا

هههههههههههههههههههههههههه وانا رح خليها تشتي بيتنجان ورح اشرب من نفس قهوتك الامراء وليس لنا فرع اخروبدون هيل يالله البتنجان اسود وقهوتي سوده
مساء الخير رياض تقول هالنافذه بس الي والك
اراك فيما بعد بس روح الجاد ومعلومات عامه شوف شو منزله وفرجيني ردك
بالجاد وااقصى وبالمعلومات العامه دمشق عاصمه الثقافه العربيه
يلا سابقتك لهناك
اهلا بجميع الاعضاء
تحياتي لكم
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

هلا عنوني سرابو الغالية انا اليوم بدي مر بمرحلة مصيرية بحياتي ادعيلي سراب وبخبرك قريبا بس طمني بالك ما رح اتزوج منشان ما يروح فكرك لبعيد
المهم انا بهاللحظة قلق من الي جاييني بهاليوم وبدي ياكي تعذريني لاني ما كتبت رد على دمشق عاصمة الثقافة العربية لاني ما عرفت كيف كتبت رد الاقصى وما طلع معي كلام رغم اني قرات الموضوع واستمتعت كتير بعباراتك المختارة بدقة واهم شي انو اول مؤتو للمحامين العرب مع شي الف سنة ( بحكم الاختصاص ) هههههههههه ما علينا دمشق تبقى دمشق ومو ببالي هلئ كلمة تعبر عن دمشق غير دمشق نفسها
عسا تكوني بخير وبكرا ازا صار مجال بخبرك شو صار معي اليوم

اسعد الله اوقاتكم جميعا
اهلا اب يزن وبلا ترد خلص دمشق هي دمشق بس الاهم اعرف شو عندك وعارفه انو الموضوع مو موضوع زواج لانك مثلي الزواج اخر همومنا وعمرنا مااعتبرناه امر مصيري بس انت شغلت بالي ناطرتك بكره تخبرني وتفرحني
تمنياتي لك بالتوفيق الدائم احلى اخ رياضوووو
وتحياتي لكافه الاخوه الاعضاء
وانا بهذه اللحظه عم اشرب عصير توت شامي مثلج وجدا مشتاقه للمنتدى انو قريحتي مفتوحه وع بالي اكتب
سلام بشوفكم بكره
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

صباحكم سكر

انا بهذه اللحظه نايمه نوم ولا اهل الكهف صاحيه مصحصحه ع الاخر واحوال المنتدى مانا عاجبتني ماحدا عم يشتغل بشكل فعلي وبقلب ورب الا ابن درعا وزائر الليل ترى ليش؟
هل من سبب مليتوا المنتدى ام هو صار ممل
حزينه انا ومستاءه منكم
يسعد صباحكم
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

السلام عليكم

انا بهذه الحظة لوحدي بلمنتدى

وكل يوم على هاي الحالة يعني مافي ولا مواضيع ولا اعضاء

واكيد الشي غلط يعني هيك مافي منافسة او مشاركات ولا حتى ردود

والشي ما بشجع الواحد

بتمنى من جميع المشرفين يشاركو ونكون ايد وحدة والمنافسة والتقدم

تحياتي

اسعد الله اوقاتكم جميعا
معك كل الحق ابن درعا
اين الاعضاء
اين المساركات
اين الردود
لك يافوم اين انتم
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

انا هلاء بحكي ما سنجر وكمان بسمع الياس خظر اخر عشق وكمان بشارك بالمنتدى

وبنزل مواضيع

وبعدين درعا انا مو حدا هيني عم اشارك سامحك الله

عههههههههههههههههههههههههه

_________________
اروع هندسة في الحياة هي أن تبني جسرا من الأمل فوق بحر من اليأس

يسعد مساكم جميعا
انا بهاي اللحظه جيت الكمبيوتر من مللي حاولت نام ماقدرت يمكن عم فكر بشي مصيري يمكن مابعرف
وعم اشرب عصير برتقال مع تلج والتلج اكتر من البرتقال
والمنتدى فلجني لا اصدي شلني اصدي لعى البي سنه لتفتح الصفحه عندي وانا كون بالي كتيرررررررررر طويل رح شوف لايمت رح ضل صابره لان فكرت اروح لوحه الاداره واعمل حذف للمنتدى ع قد ماعل البي
مساكم سعيد
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

اسعد الله اوقات الجميع

لك شو قصتكم ليش ماتت هالزاويه

واع منكم

انا بهذه اللحظه عم اشرب قهوه ووضع المنتدى مو عاجبني

لك عم ينازع وينكم
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

مرحبا

شو ئتقت لهل منتدى بس للأسف وقتي ووضعي ما يسمحولي اتواجد

أنا بهاللحظة بهدي سلامي لكل اهل المنتدى وخاصة سراب ويا سراب ألك وحشة والله

سلامي للجميع
اعذروني يا جماعة انا بجد صار وقتي كتير صعب وما عم افضى اتغزل ببنت الجيران بس انشالله خير كم يوم وبترجع الامور متل ما كانت
وبالنسبة للموضوع الي حكيت عنو سراب الموضوع قيد التنفيذ ورح خبرك خبرية تانية كمان انا قررت استقر
والتفاصيل منحكي فيها بعدين

اهلا جاكو تشتاق لك العافيه يارب جد انت نعم الاخ الوفي
وانت مقصوف الرقبه اب يزن انه خمس ليرات تبعت لي مسج تطمني عنك مارح يكسروك لان بجد بالي مشغول عليك وخايفه كنت تكون مريض عشان هيك كنت خايفه حتى اتصل بك لان مابدي اعرف بس كون الامور تمام وال وقتك مليان معناتا صرت المدير العام للخطوط الحديديه الف مبروك بس هالشي مابخلي قلبك يصير حديد ع البنت البتعزك وبتحب لك كل الخير
انا بهاي اللحظه صاحيه نشيطه جدا وشربت برميل قهوه ورديت ع اغلب المواضيع بالمنتدى
ويشرفني بهذه النافذه ان اشكر الاخ ابن درعا على مجهوده الواضح له مني الف تحيه
وسلامي للجميع
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

اهلا ابن درعا منور اخي
انا بهذه اللحظه ع الاغلب ماشي حالي مرتاحه الى حد ما وفرحانه انو بدنا نغير الستايل للمنتدى والستايل الجديد سريع ورح ريحنا كتير
ومشكور سيف العرب على مجهوده بالعمل بتحضير الستايل
لكم مني فائق الاحترام والتقدير
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

بسم الله العلي القدير

انشالله الف مبروك الستايل الجديد وانشالله يكون حافز للتقدم والارتقاء بالمنتدا
انا بهاللحظة مبسوط كتير بالمنتدى ورح اعمل جولة لشوف الشغلات الجديدة مع سيكارة وتنكة قهوة ومخمخة

اسعد الله اوقاتكم جميعا
هلا اب يزن الله يبارك فيك يارب بس انه باركت لنا بدون اي تعليق شو رايك فيه عجبك ؟
هو الصراحه كذا حدا قال انه الستايل السابق مزعج للعين كون الوانه معتمه فاختار لنا سيف العرب مشكورا هذا الستايل وندعو من الله عز وجل ان ينال اعجاب الجميع
لكم مني فائق الاحترام والتقدير
ويسعد اوقاتكم
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

السلام عليكم فردا فرداً وبارودة بارودة
كيفكم يا اكابر قصدي ياحلوين قصدي يا زملائي
اي ما علينا
بالنسبة لستايل المنتدى شحدني ياه جارنا
شوفولي حلو ولا نرجعو الو وبلا منيتو
وبالنسبة لاب يزن اشتقتلك ماعندك فكرة (ربي سامحني )
وانت جاك حبيبي
وزائر الليل المفقود
وابن درعا الجبار صاحب الجهد الجبار ممنونك كثير خيو
في شريط اهداء جاي على الطريق قال هيك بدهن يهدوني ما بعرف اقبل ولا لا
يالله سلام ادعولي خلص من عقلي والامتحانات على خير

_________________

ماكنت في الدنيا وحيدا ً
ولكن جنة الاحباب لا تبقى

نسيت قلكم انا كيفني بهاي اللحظة مع انو ما بتوقع حدا بيهمو انا كيفني
لان انا ما بيهمني اعرف انا كيفني
المهم انا هلق صارلي 48 اربعين ساعة صاحي ومانمت غير ساعة ونص
ليش لا تسئلوني لان الضيوف من كل حتف وصوب
سلامو
_________________

ماكنت في الدنيا وحيدا ً
ولكن جنة الاحباب لا تبقى

انا بهذه اللحظه متضايق من نفسي جد ساهر كامتك هزتني

وانا فعلا مقصر وبعتذر من الجميع وها انا بحاول اعوض

شكرا سيف العرب اخي في الله

واسمحولي بدي عوض شوي

_________________
اروع هندسة في الحياة هي أن تبني جسرا من الأمل فوق بحر من اليأس

اسعد الله اوقات الجميع
اهلا سيف العرب وانت كمان الك عين تحكي عيوني يلي بهاي الزاويه مابشوف مشاركاتك ابدا
وانت زائر ماعندي اي تبرير لغيابك
البشوف حماسك السابق مابشوف عدم اهتمامك الان
ويبدو انك كنت عم تتحداني انك تكون اشطر مني وترفع عدد مشاركاتك
وانا بصدق زعلانه منك
واعتذارك غير مقبول
نورت المنتدى من جديد
اهلا بكم اخوتي الغاليين
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه

شكرا جاك على الموضوع الحلو
انا في هذه اللحظة عم بشرب قهوة الصباح وحابب اتعرف اكثر على الاعضاء في المنتدى وبتمنا استلم اشراف وشكرا لكم
تقبلوا مروري

_________________

اهلا بك قناص نتشرف بوجودك معنا

اي قسم بدك تكون مشرف فيه من عيوني

انا بهذه اللحظه بشرب قهوه وفرحانه بالستايل الجديد
_________________

فرق كبير بين من يريد ان يقرأ كتاباَ

وبيــــن من يــــريد كتــــاباَ للقــــراءه